Mescos cu e ultimo añanan, atrobe e aña aki Stichting pa Maneho di Aruba su Carnaval (SMAC), a ricibi e decreto gubernamental firma dor di e propio Minister di Husticia, Siguridad y Migracion, mr. Andin Bikker. Cu e permiso aki den man awor SMAC si tin e derecho exclusivo pa organisa Carnaval y tur evento relaciona cu carnaval di otro aña.
Na mes momento RBC Bank a patrocina e “jingle” di Carnaval 65, cu nan a presenta awe mainta. Tur aña e banco ta sponsor e mensahe aki di carnaval, cu ta contene melodia y ritmo carnavalesco, cu cantantenan conoci den carnaval y cu letranan aclamando nos carnaval.
Otro aña nos ta celebra 65 aña di carnaval, di cual ta spera un acogida mas grandi cu normal.
