E protocol entre sindicato di polis y minister di husticia a wordo firma diahuebs cu e meta pa ancra cierto compromisonan entre polis, sindicato y minister di husticia.
Segun presidente di sindicato SPA, Jose Dirksz, aki por haya entre otro pa salvaguardia e posicion huridico di e polisnan, e oportunidad di crecemento di cuerpo policial, entre otro pa kita e stoel di rango di Hoofdagent, pa asina e polis den su carera, e por sigui crece te cu Hoofdagent 1ste klasse.
Manera cu e ingrichtingskader ta awor aki un polis por bay cu pensioen como brigadier 1ste klasse.
E lo ta hopi frustrante pa e polis. E tarea di sindicato ta pa wak pa e tin un oportunidad di crecemento.
Tambe entre otro e bon di cuminda, cu mas di cuminda e suma no a wordo adapta. Imagina cu tempo nan a bin cu 12,50, ainda tin tocadisco cu casette na Aruba.
Nada di eseynan a wordo adapta mas pa 30 aña largo. Tur eseynan mester bay wordo adapta.
E adaptacion di e schaal di salario, esey tambe, mirando cu inflacion, tur loke ta pasando, e polis tambe su salario mester wordo adapta.
Lo bay traha un projectgroep, cu lo percura pa canalisa tur e cosnan aki mas lihe cu normalmente e ta suppose di pasa.
