Den e analisis breve aki, mi persona ta splica pakico mi ta di e opinion cu prijs di crudo y gasolin lo bay baha den e siguente lunanan venidero. Esaki ta debi n’e trendnan macro-economico internacional, e factornan riba termino corto tecnico y trend riba termino largo di vehiculo electrico.
1. Macro-Economico: Economia global ta bou presion
E banconan central ful rond mundo a hisa interes den manera drastico pa combati inflacion halto. Esaki ta pone un presion sumamente grandi riba e economia global. Mester bisa cu economia global a maneha interes mas halto riba un manera fuerte. Pero nos a cuminsa wak scheur macro-economico. E data economico mas recien a cuminsa bira mas suak, segun e “Citi Economic Suprise Index”.
Fuente: MacroMicro.me
Awo si economia global crece menos, esaki lo baha demanda pa crudo y e productonan di gasolin.
2. Analisis Tecnico: Prijs di crudo y gasolin pa baha nmediatamente
Un analisis di e factornan “tecnico” di crudo y gasolin ta indica via diferente indicador mane e “RSI Index”, “MACD” y “200 day moving average”, cu prijs di e producto petrolero aki lo probablemente sigui cay den termino corto.
3. Vehiculo electronico
E demanda mas grandi pa petroleo ta bin di e sector di transporte. Awo e factor di mas grandi den e prijs di vehiculo electronico t’e prijs di bateria di auto. Un analisis di e compania “Ark Invest” ta mustra den manera duidelijk cu e prijs di bateria ta bahando den manera fuerte y esaki lo causa cu prijs di vehiculo electronico lo sigui hisa y den termino largo desemplasa demanda pa vehiculo basa riba producto di petrolio.
En fin mi persona ta pensa cu prijs di producto petrolero lo baha riba termino immediato, mediano y riba plaso largo.
Disclaimer:
Esaki no ta aviso pa specula den ningun manera. E articulo aki ta solamente e opinion di e autor. Autor no ta responsabel pa ningun forma di daño financiero cu por surgi.
