Aruba Softball Bond trahando duro pa cu preparacion di Selecion Masculino cu lo ta biahando e siman aki 1 pa 10 di Juni pa Monteria Colombia pa un campeonato official di CONSUSRA unda un total di 11 pais lo bay ta compitiendo.
Como parti di e preparacion aki a organisa 1 luna di un campeonato pre competitivo cu 4 equipo miembro di ASB y e Selecion Masculino como e di 5 equipo. A importa pitchernan internacional kendenan constantemente ta lansa pa equiponan cu ta enfrenta Selecion Maculino. Mester remarca cu e pithcernan ta di un calidad hopi halto y Selecion ta batayando formalmente contranan. Nos otro atletanan cu no ta den selecion tambe a ricibi multiple turnonan oficial contra e pitchernan aki y asina desaroya tambe nan nivel. Dialuna 28 di Mei cuminsando pa 715pm na veld na Pos Chiquito Selecion lo enfrenta Balashi Premuim den dos encuentro hopi interesante. Diahuebs 31 di Mei na veld di Flatstone Liga Especial lo termina momento cu Selecion lo hunga su ultimo wega preparando pa biaha diasabra y aranca diasabra 2 di Juni pa 1pm Aruba lo enfrenta Cuba den salida y mesun dia pa 630pm Aruba lo hunga contra Colombia pues dos wega duro riba promer dia di competencia. Aruba ta bon prepara y ban spera cu e atletanan por duna tur di nan banda pa asina por logra bataya den e grabndi nan riba un nivel hopi halto.
