E siman aki tin un proyecto di ley importante den parlamento pa trata. Ta papia aki di e concepto di ley riba matrimonio di mesun sexo. Un tema cu, segun prome minister, e ultimo palabra ta den man di Corte di Casacion y no Parlamento di Aruba.
Riba pregunta haci na dje, Prome Minister mr. Evelyn Wever Croes a expresa su preocupacion si parlamento tuma un decision prome cu casacion y cual lo por nifica, si nan no ta mesun pensamento, cu mester bolbe bay haci adaptacion. Ademas cu e tempo di espera pa decision di e corte na Hulanda ta bini e luna aki ainda, esta dia 31 di mei.
“Ora cu e veredicto bini, e ora bo sa kico ta locual cu corte a bisa den casacion y e ora por determina ki bo tin cu bay haci. Trata un ley awo, na den mi pensamento, ta poco prematuro pasobra bo sa kico casacion ta bay bisa. Y con cu bay bin, casacion tin e ultimo palabra, no parlamento.” Esaki ta loke Prome Minister Wever Croes a expresa den e conferencia di prensa di Gobierno di Aruba.
Pa relato amplio, lesa TREMPAN.
