Pa algun siman caba tin informacion ta core cu sr. Jan de Ruijter ta den funcion di Gobierno. Segun minister Rudy Lampe, sr Jan de Ruijter a haya un contract di trabao pa seis luna cu ministerio di Educacion, pa haci un evaluacion di e departamento di enseñansa pa empleo, ya cu ta fundamental, nos economia ta draai riba turismo y enseñansa pa empleo vooral ta dirigi riba cursonan cortico pa esnan cu ta traha den e sector hotelero y sr. Jan de Ruijter tin e conocemento y experiencia den e sector hotelero.
Ta pa tal motibo el a haya e encargo aki, pasobra kier pa enseñansa pa empleo bira un departamento mucho mas importante di loke e ta awor aki. E mester bira e luga unda bo por bisa ta e educacion di pueblo, loke ta wordo yama e volwassen educatie. E mester haya su luga mereci. Pa un periodo cortico e ta yuda pa retoma y fortifica enseñansa pa empleo.
Desde ki tempo
De Ruijter ta haciendo un bon trabao eynan. E tin mas of menos tres luna caba ta funcionando y e tin tres luna mas pa bay pa presenta e rapport final pa asina por sigui cu un trayecto nobo. Enseñansa pa empleo lo bay haya un rumbo nobo. Y cu tabata necesario pasobra ta un departamento cu pa hopi tempo tabata lubida.
E coordinadora principal awor aki ainda ta den funcion y ta bay baha cu pensioen na Juli. Despues di 42 aña di servicio ta haya su pensioen mereci y mientras tanto sr. Jan de Ruijter solamente ta haya un contracto di trabao pa un tempo limita pa un suma sumamente modesto.
Esaki ta algo priva di cada persona, pero por bisa cu en todo caso esaki ta loke e ta ricibi ta un salario modesto, echt modesto. Mayoria di henden a Aruba ta gana e salario ey. Ta trata algo sumamente modesto e minister a reitera.
Awor aki e ministerio ta den deliberacion ainda pa un candidato pa e coordinadora principal. Minister Lampe tin 10 hende trahando na su despacho y tur ta ambtenaarnan, sea cu a busca di overtoligheidspoule, cu tabata na cas ta cobra y no a wordo permiti pa traha. A busca nan aden. Otro ambtenaarnan cu a wordo gestraf y a pone nan ter beschikking e ora ey di e ministerio. No tin mas cu 10 hende y tur ta ambtenaar cu ta haya salario caba. Den e caso aki tambe, ta den deliberacion cu un persona pa e sigui cu e reorganisacion temporalmente y e persona aki ta trahando caba y ta ricibiendo un salario como ambtenaar. Una bes cu e reorganisacion termina completo, e ora ta bay na un open solicitatie. Ta purba lo mas posibel pa spaar placa di pueblo y esey ta e filosofia.
