Diabierna, 19 di februari, Saba a ricibi 1500 vacuna Moderena di Hulanda. E cargacion precioso a yega cu helicopter for di St. Maarten. Saba a pidi shen mas cu e cantidad inicial di 1400, ya cu hopi hende a pre-registra y tin mester di vacuna adicional pa garantisa cu henter e poblacion adulto por vacuna.
Saba Health Care y Publich Health Saba ta completamente prepara y cla pa e programa di vacunacion cu lo dura shete dia, desde dialuna dia 22 di februari te cu dialuna 1 di maart. Autoridadnan di salud ainda ta contactando e personanan pre-inscribi cu un fecha y ora di cita. E vacunacion ta cuminsa dialuna mainta cu trahadonan di salud, mas di 60 persona y personanan entre edadnan di 18 y 60 cu un condicion medico di The Bottom y St. John.
E vacunacion lo tuma luga na Eugenius Johnson Center tur dia, cu excepcion di diaranson, 24 di februari, ora cu algun trahado di salud, residentenan di cas di anciano y clientenan di Life Center, lo ta vacuna den hospital.
Diamars, 23 di februari, residentenan pre-inscribi di Windwardside y Hell’s Gate di 60 aña of mas y personanan entre 18 y 60 aña, cu un condicion medico. Den e categoria di condicionnan medico ta haya: personanan cu enfermedadnan cronico di curason, pulmon y riñon, personanan cu diabetes y personanan cu un sistema imunologico abao.
Diahuebs, 25 di februari, residentenan pre-inscribi di The Bottom y St. John’s entre edadnan di 40 y 60 aña lo ta vacuna den oranan di mainta, sigui pa residentenan di Windwardside y Hell’s Gate den e mesun grupo di edad parti atardi.
Diabierna mainta, residentenan pre-inscribi di The Bottom y St. John’s entre 18 y 39 aña lo ta vacuna y parti atardi, personanan di e mesun grupo di edad di Windwardside y Hell’s Gate. Diasabra 27 di februari mainta y dialuna dia 1 di maart ta invita personanan cu no a inscribi anteriormente pa vacuna. E dianan aki tambe ta habri pa personanan cu a registra pero cu no por a asisti na e ora y dianan asigna.
Lo tin dos booth di vacunacion den e Eugenius Johnson Center, cu dos enfermera na cada booth. Si ta necesario, por agrega un di tres booth flexibel. Un dokter semper lo tey presente na e luga di vacunacion. Personanan mester keda otro 15 mnuut den e area di observacion despues di e vacunacion como medida di siguridad den casonan excepcional di reaccion alergico. Despues lo publica un video cu informacion riba e ruta di vacunacion y e reglanan.
E peticion di Saba di 100 vacuna adicional basa riba e exito di registro tabata satisfecho. E 1500 vacunanan cu a yega diabierna lo ta suficiente pa por vacuna henter e poblacion adulto. Te n’e ultimo dia di pre-inscripcion, diaranson 17 di februari, mas of menos 1200 persona a inscribi pa vacuna, cifra halto, vooral si compara cu e otro islanan. E di dos buelta di vacunacion lo tuma luga na fin di maart.
E personal medico cu lo administra e vacunanan a ricibi e guia necesario durante siman pasa. E ultimo training, e asina yama test, a tuma luga diahuebs, 18 di februari. E coordinado di vacunacion, Tedisha Gordon, di e Departamento di Salud Publico, a bisa cu e preparativonan a bay hopi bon y cu e reaccion di e comunidad tabata hopi bon. E ekipo di planificacion a traha duro pa prepara tur cos y sigura cu e proceso di vacunacion desaroya sin problema. E ekipo no por a yega na tur e hendenan registra pa duna nan nan afspraak; Ta anima tur hende cu ta registra, pero cu no a ricibi cita pa asisti riba e dia manera cu a splica anteriormente.
E vacunanan ta bin di Hulanda via St. Maarten cu KLM, despues cual a carga den e helicopter medvac pa Saba y St. Eustatius. Pa presencia e yegada di e vacunana, e gobernador di e isla Jonathan Johnson, comisionado Bruce Zagers y dokter di salud publico Koen Hulshof tabat’ey presente.
Leyenda:
Diahuebs, personal di enfermeria y boluntarionan a ricibi e ultimo training y instruccion na e luga di vacunacion, Eugenius Johnson Center na Windwardside, unda cu lo cuminsa cu e vacunacion riba dialuna, 22 di februari.
