Diasabra marduga, banda di 5’or, polis a bay na un adres den Maria van Oranjestraat pa un problema di pareha.
Eynan polis ta bin topa cu un situacion caminda cu un homber a coba den telefon di su pareha y a bin topa cu contenidonan menos agradabel.
A cuminsa cu un discusion cu practicamente a bay fo’i man, cu a yega na tal extremo cu polis mster a presenta.
Despues di a papia cu ambos persona, polis a hiba e homber su cas na Hooiberg den transportwagen.
