Awe mainta a celebra visualisacion di bida meritoso di un persona, cu a duna hopi di su mes, riba asina tanto diferente tereno, di bida social y cultural, durante di henter e siglo largo cu el a biba. Eustacio Olimpio Sint Jago, conoci na Boneiro como “Tio Tachi” tabata un generalista; esta el a move riba tur tereno cu a pidi su atencion y a provoca su talentonan. E tabata un artista multi-facetico; el a practica arte di palabra den tur su formanan, declamado, poeta, narado di cuenta, autor, riba tereno di musica a skirbi letra, composita, aregla y interpreta. Locual mas a hala atencion ta cu un Rubiano, den persona di Gilbert Senchi, a crea un estatua p’e y cu awe a desvela aya na Rincon.
Su sobrino, cu ta biba na Aruba, Roly Sint Jago, tambe tabata presente pa celebra e desvelo di e estatua di su omo. “Nos ta feliz di ta sanger di Tio Tachi y orguyoso cu pueblo y autoridad a reconoce su trabounan y su bon curason door di inmortalisa loke Eustacio Olimpio Sint Jago a nifica den su bida, no pa nos so, sino pa henter pueblo di Boneiro y en particular su pueblo di Rincon, henter comunidad cu ta papia Papiamento y tur esunnan cu ocultamente a experencia su obranan di caridad.
Pa mas informacion lesa e edicion di TREMPAN di dialuna.
