Rolando Damas ta den e funcion como ehecutivo y ta haci e trabou como director general di Avianca pa Noord America y Asia, tambe lo asumi e liderazgo di Mexico y Caribe. Cu mas di 25 aña di experencia den industria di aviacion, Rolando tin e reto di pone e aerolinea den e regionnan bou su cargo y diseña y implenta, hunto cu team local di cada mercado, e procesonan comercial di Canada, Merca, Mexico, Republica Dominicana, Puerto Rico, Aruba, Corsou y Asia.
“Nunca tabata asina relevante p’e industria traha conhunto pa reactiva e turismo. Na Avianca nos ta enfoca den recupera e operacion y fortalece e red, consolidando e ruta cu mas demanda. Na e momentonan aki, cu hende ta cuminsa haci nan actividad bek y su bida di prome cu pandemia, ta ofrece un experencia di biahe biosigur, adapta na nan necesidad y cu un producto simplifica na nos prioridad mas grandi”, Damas a sigura.
Rolando ta ingeniero comercial y ta conta cu un licenciatura den administracion di empresa di State University of New York y un certificado ehecutivo den Liderazgo Organisacion di Yale University. Den su trayecto, su posicionnan ta destaca como director di benta na LATAM Airlines pa Noord America, un trabou cu el a haci pa diesun aña. Aki el a guia e parti mercadeo, publicidad y relacion publico di 24 estado di region; country manager di Avianca na Noord America den rol cu el a implementa un structura di benta altamente eficiente durante e fusion di Avianca y Taca. Di tin Mexico y Caribe, Damas ta responsabel pa benta y huur di diesocho punto di origen den e region c’un total di 220 vuelo semanal.
