Diabierna durante IPKO tabata tin un discusion fuerte. Aki a trata e tema di matrimonio di mesun sexo.
Rennox Calmes, parlamentario (Trabou pa Kòrsou), a informa cu loke parlamentario Miguel Mansur a bisa di su persona. E ta lamenta cu ora hende no por gana bo na contenido, nan ta bay den e parti di priva. Mansur a indica cu Calmes ta bou investigacion, di cual e parlamentario a nenga esey.
Tambe el a reacciona riba e parti di acto coruptivo, indicando cu eynan ta unda Mansur a faya cu ley. Mansur a bisa algo y e no por para tras di esey. Segun Calmes, esey lo bay tin consecuencia pa Mansur.
Desde inicio unda Mansur a trece su parti den Tweede Kamer, e parlamentario di Corsou a respeta esey. Un miembro den Tweede Kamer a trece su punto dilanti bisando cu e ta haya cu mester trece LGBTQ como un discusion den conferencia di reino. Pueblo sa cu tin tripartiet, tin IPKO y awor nan kier bin cu conferencia di reino.
Segun Clames, el a bisa e miembro di Tweede Kamer pa “laga nos educa nos mes” kico ta e cosnan cu Statuut ta regla di pais, pero tambe kico ta Statuut ta regla cos di reino. Mansur a trece su parti dilanti y a respet’e. Pero e parlamentario di Accion21 ta esun cu a acerca su persona pa bisa di no ta di acuerdo cu ne. El a acerca e parlamentario durante break y inform’e cu e no ta drenta den discusion personal pero riba contenido.
Pa mas lesa TREMPAN.COM.
