Secretario di Estado di Relacionnan di Reino, drs. Alexandra van Huffelen a bishita Aruba, Corsou y Sint Maarten for di dia 19 te cu 26 di maart.
Meta principal tabata pa discuti riba nivel gubernamental tocante e Landspakketnan un aña despues di firma e Onderlinge Regeling Samenwerking van de hervormingen. Tanto Van Huffelen como e mandatario den e paisnan a reconoce e importancia di e colaboracion y e Landspakketnan. Nan a discuti tocante cual ta e pasonan mester tuma pa transforma e obhetivonan di e Landspakketnan den acuerdonan di resultadonan di varios aña. Den e lunanan bini aki, lo desaroya e acuerdonan aki mas detayadamente.
Na tur tres pais, a dal stapnan importante den e aplicacion di e Landspakketnan, pero e paisnan ainda ta enfrenta desafionan, specialmente riba tereno di capacidad di ehecucion. E Secretario di Estado a ofrece su yudansa pensando con pa saca mas probecho for di e colaboracion cu TWO. “Mi ta spera cu probecha di e oportunidadnan cu e colaboracion cu TWO ta ofrece, specialmente riba tereno di forsa laboral na unda cu ta posibel.”
Ademas di e ministernan, Secretario di Estado a reuni tambe cu varios partido interesa den e proyectonan di e Landspakketen. Un resumen cortico di e bishita.
ARUBA Durante e bishita na Aruba, e Secretario di Estado a papia cu e minister presidente Evelyn Wever-Croes, minister di Finansa y Cultura Xiomara Maduro y minister di Enseñansa y Asuntonan di Deporte Endy Croes. Tambe el a reuni cu lidernan di proyectonan di e diferente trayectonan di e Landspakket. Tambe a informa Van Huffelen tocante reformanan di belasting, e acuerdo di cuido, e reorganisacion di gobierno y e inversionnan den calidad di enseñansa.
CORSOU
Na Corsou, Van Huffelen a tene reunionnan cu Prome Minister Gilmar Pisas, Minister di Desaroyo Social, Labor y Bienestar Ruthmilda Larmonie, Minister di Finansa Javier Silvania, Minister di Enseñansa, Ciencia, Cultura y Deporte Sithree van Heydoorn, Minister di Gobernacion, Planificacion y Servicio Ornelio Martina y e Minister di Desaroyo Economico Ruisandro Cijntje.
Secretario di Estado a bishita Cola Debrot school y Kolegio Erasmo, cu ta forma parti di e proyecto di ‘Onderhoud Scholen’ pa cual e Minister di Enseñansa a pone 30 miyon euro disponibel. E alumnonan di Kolegio Erasmo ta aloha temporalente den e ex-edificio di Cola Debrot school. Lo haci uzo di e edificio aki pa e duracion di e proyecto.
SINT MAARTEN
Por ultimo, el a realisa un bishita na Sint Maarten. Van Huffelen a reuni cu Prome Minister Silvera Jacobs, Minister di Finansa, Ardwell Irion, y Minister di Husticia Anna Richardson. El a cera conoci cu e e lidernan politico di e coalicion nobo. Tambe el a ricibi un presentacion riba e avancenan riba e tema di e Maneho Financiero na Sint Maarten.
Secretario di Estado a regresa Hulanda dia 26 di maart.
