Corte di Prome Instancia di Sint Maarten diahuebs anochi a declara e politico They Heyliger y su co-acusado S., liber di soborno di e miembro di Parlamento Laville na 2012-2013.
Corte a haya cu no a keda proba cu H y S a ofrece placa n a Laville of a pague pa entrega su asiento den Parlamento y kita su apoyo na e coalicion di Gobierno Wescot-Williams II. Pa e denuncia di Laville no ta existi suficiente “steun bewijs”.
E unico testigo cu tambe a bisa cu H lo a duna placa na Laville, a declara cu el a ricibi su declaracion for di Laville, pues for di e mesun fuente.
Loading…
Reload document 
Open in new tab E declaracion di V.d.H. pa e motibo ey no ta un “steunbewijs” confiabel pa e denuncia y otro prueba no tin.
Loke si ta sigur ta cu H., den negociacionnan pa yega na un coalicion nobo pa Gobierno, a pidi dispensa na Laville y a ofrece e puesto di Minister di TEATT. E hecho cu den negociacionnan asina a pidi dispensa y a ofrece un puesto di Minister na opinion di Corte ta forma parti di un proceso politico legitimo den un pais democratico, unda cu mester yega na acuerdo pa logra un coalicion cu mayoria. Pesey no por papia di soborno.
