Diasabra den careda di 7:45 pm polis a presenta dilanti La Oficina na Tanki Flip pa un accidente cu a termina den un pelea memey caminda. Chauffeur di un auto marca Toyota modelo Yaris color blanco numera A-40503 a dal tras di un auto marca Honda modelo Fit color oraño numera A-28846. Ambos vehiculo tabata bayendo direccion rotonde di Tanki Flip.
Ora e chauffeur di e Hnda a baha pa bay atende cu e persona cu a dal su auto, a tuma nota cu e chauffeur di e Yaris tabata purbando di huy for di e sitio. Casa di e chauffeur a baha fo’i auto y a wanta e chauffeur pa e no bandona sitio.
Aki a start un bringamento memey caminda. Polis a detene e chauffeur mirando cu e no tabata por demostra ningun permiso di estadia legal na Aruba. Probablemente esey mes tabata e motibo pa purba huy of bringa pa evita su deportacion.
