Frido Croes tabata parlamentario, vice-presidente y presidente di parlamento, Minister di Enseñansa y su ultimo funion tabata Minister Plenipotenciario na Hulanda. Awe mainta e noticia tristo a drenta cu e politico pensiona a fayece, lagando atras su señora Lourdes y su dos yiunan Francis y Joseanny.
Francisco Walfrido “Frido” Croes a nace na Aruba dia 3 di december 1957. Despues di a caba HAVO na Aruba, el sigui studia na IPA pa maestro di scol. El a traha durante un decada largo na Colegio San Jose na Santa Cruz. Entre 1994 y 2001 el a traha na Departamento di Enseñansa.
MinPres Oduber, MinFin Swaen en Gevmin Croes voor ontmoeting met MinFin Bos. dd: 25-07-2007
Mester menciona cu na aña 1988 el a bira miembro di partido Movimiento Electoral di Pueblo (MEP). Entre aña 1989 pa 1994 el a ocupa e puesto di Parlamentario, incluyendo e funcion di Vice-presidente entre 1993-1994. Na aña 2001 el a ocupa e funcion di Presidente di Parlamento. Na aña 2004, ora cu Freddis Refunjol a tuma su retiro como minister pa asumi e funcion di Gobernador, tambe Frido Croes a asumi e funcion di Minister di Enseñansa. Na aña 2005 a nombra Frido Croes como Minister Plenipotenciario di Aruba na Hulanda.
Na su famia, amigonan, conocinan y ex votadonan ta bay nos palabranan di mas profundo condolencia. Hopi forsa den e momentonan dificil aki.
