Awe diabierna a habri cu e video clip nobo “Na liña” cu exactamente 12:00AM diabierna marduga a subi rednan social y for di e momento ey ta impactando full rond nos isla.
Algun siman atras por a corda cu e cancion aki a causa sensacion riba Tik Tok caminda cu tabata comparti e baile aki, caminda grandi y chikito tabata challenge otro pa haci e baile cu a bira e trend di momento.
Un grupo di hoben talentoso a traha hunto pa logra e video clip aki cu ta un exito inmediato. Dj-T hunto cu Donn x Kriss Y.O x Ty ta protagonista di e cancion y awo di e video clip nobo aki riba mercado: Na Liña
Coleganan di 24ora.com tambe a forma parti di e elenco y ta gradici e oportunidad y ta desea e artistanan aki tur exito di mundo cu lansamento di nan produccion di mas nobo.
