Diasabra merdia polis a para un auto marca Kia modelo Picanto den Koningstraat. Ta despues cu tabata su tras y a nota cu e tabata bay di banda pa banda.
E polis, cumpliendo cu su deber, a dicidi di duna e chauffeur señal pa para. Berdad, un poco mas west di Manuelito’s Sport Bar, e chauffeur a dicidi di para. Asina cu e polis di Motor Unit a acerca e chauffeur, a nota caba cu e tabata betra. Mesora a pidie pa baha for di auto. E chauffeur femenino no a coopera. Despues di ricibi un ‘jump up’ di insulto, polis a dicidi di bay den banda pa bah’e for di auto, mirando cu e no kier a sigui ordo. Na dado momento e chauffeur su mes a sali for di bentana bin afo, mirando cu e porta di chauffeur no ta habri.
E chauffeur tabata hopi burachi. A detene y bay cu ne den un transporte di polis pa ward’i polis. Na warda, lo present’e dilanti un subfiscal kende lo dicidi sea riba su encarcelacion of libertad.
Claro, depende cuanto e supla rib’e mashin grandi, lo dicidi kico lo pasa cu su futuro den trafico. Sea ta ricibi multa, ta kita su rijbewijs of hasta si dado caso mester bay Reclassering pa trabou comunitario.
