Algo pasa di 2or a sosode un accidente frontal na Tanki Leendert. Patruya di trafico a dirigi nan mes rapidamente na e crusada unda Car Colour ta situa, na yegada di e patruya en berdad a bin topa cu e accidente caminda un Hyundai Accent color blanco lo a bira na su man robes pero no a lora manera ta poni den e regla di trafico y cu consecuencia cu el a dal den un Nissan color oro. E golpi tawata frontal y e dama chauffeur di e Nissan tawata keha di dolor na pecho.
A pidi presencia di ambulance pa asina duna asistencia medico, pero ora ambulance a yega na e sitio e dama cu tawata keha di dolor no tabata kier asistencia medico. E manehador di Accent supuestamente a bandona e sitio di e accidente y polis a papia cu un otro persona cu tawata den e auto.
El a conta of duna e Polisnan datonan di e dama cu tawat na stuur di e accent, pero un rato despues un dama a yega na e sitio y a bisa polis cu e tawata na stuur y cu el a bay busca su rijbewijs. Pero aki e polis a gar’e ta gaña pasobra e nomber cu e pasahero a duna no tawata cuadra y e manehador di e Accent a dal su cabes den e windshield y e dama cu a presenta pa pasa cu e tawata na stuur di e auto no tin lesion. Mesora polis a tuma e Accent den beslag p’asina warda e manehador corecto presenta pa asina e duna cuenta di su acto. Daño material ta basta grandi.
