Recientemente e atleta elite di triathlon Amadee Nicolaas tabata na e ciudad di Nice, Francia unda e la competi den e World Championship 70.3 Ironman. Mei mei di un elenco cu atletanan top rond mundo, Amadee a presta formidabel.
Amadee sigur tabata super contento cu su prestacion aunke manera e mes a indica cu e no tabata nada facil. Tanto e landamento y e bais tabata pisa mientras e coremento na pia, Amadee a registra un personal best.
Mester bisa cu Amadee a entrena duro y den forma intensivo pa e soño tan anhela di cualkier atleta, esta participa na un mundial di Ironman. Awor e multi- atleta Nicolaas lo prepara su mes pa su proximo reto esta e famoso 42km Marathon di Boston.
Stichting Sportsubsidie Aruba ta contento di por aporta y brinda e ayudo na e federacion di triathlon cu a yuda nan atleta elite Amadee Nicolaas pa asina e por competi den e World Championship Ironman 70.3 na Nice, France
Lotto, e loteria di Aruba ta ofrece diferente weganan manera; Catochi, Big 4, 1-OFF, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e weganan di Raspa y Gana.
Cumprando Lotto bo ta contribui na deporte riba nos isla. E meta ta pa organisa loteria, cambiabida di su hungadonan y na mes momento inverti den deporte local pa medio di donacionnanna e Stichting Sportsubsidie Aruba.
