KVK ta invita comercio pa inverti den nan negoshi

Aruba ta cla pa e evento anual, e Business Event organisa pa Camara di Comercio cu lo tuma luga diabierna awo, pa 7’or y mey di anochi na Hilton Resort. Ta bay tin oradornan local y internacional den e evento aki.

Kawish Misier, presidente di Camara di Comercio, representando asina e generacion nobo di e organisacion, a comenta cu e aña aki nan ta hopi druk cu evento, haciendo hopi networking events, tayer y tambe get to-gethers. Manera tur aña nan ta haci e Anual Business Event y lo ta hibando esaki riba e siguiente nivel.

Tema pa e aña aki “How to thrive your business in a changing economy.” Tin un orador local kende ta Frans Ponson. E lo splica un tiki mas riba su experiencia den business. Con pa haci negoshi na Aruba. Tur conoce como parti di famia Ponson cu tabata tin General Store, despues a bira Do It y awo a bira Super Do It Center. E ta bay splica kico el a haci, kico ta su obstaculonan. Con el a surpasa su obstaculonan y cu awo nan ta hopi exitoso. E ta bay comparti su idea y strategianan, pa asina tambe e publico presente por siña di esey.

Ta bay tin un orador internacional, kende ta Carl Gould. Gould ta conoci pa ta un coach, un public speaker. Tambe el a yuda negoshinan hopi grandi manera Walmart, Walgreen’s, American Idol. Pero na mesun momento el a yuda masha hopi negoshi chikito y mediano. Su presentacion e ta bay adapt’e na e situacion na Aruba. Nos tin hopi negoshi chikito cu tambe e ta bay splica kico nan tin cu haci pa mehora y pa ta exitoso sin cu nan tin cu inverti hopi placa.

KVK ta invita comercio pa inverti den nan negoshi: Diabierna awor ta tuma luga Business Event cu orador invita local y internacional

KVK ta invita comercio pa inverti den nan negoshi: Diabierna awor ta tuma luga Business Event cu orador invita local y internacional. Click e link pa mas https://24ora.news/2l72Tni

Posted by 24ora on Monday, September 23, 2019

E ta mas bien con bo ta bay scucha bo cliente, con bo ta duna loke e cliente ta pidi p’e. Tambe con bo ta haci bo pricing den un up economy, pero tambe bo pricing den un down economy. Na Aruba y mundialmente ta den un challenging economy. E ultimo crisis tabata 10 aña pasa y mundialmente den e ultimo decada, e economia a cuminsa crece poco poco. Pero e economia ta bay den ciclo. E ta bay up y despues down den un recesion. Den un recesion ta importante pa bo ta conciente kico ta pasando, pasobra den un economia cu ta abao, tin hopi oportunidad y “Cash is King”. Ora cu tur cos ta bay malo, ta e momento cu abo como comerciante, si bo tin e capital, pa bo cumpra otro negoshi y pa bo crece.

Ora cu cos bay bon, bo ta bende bek y eynan ta bo ganashi. Ta hopi importante pa nos na Aruba ta conciente kico ta pasando. Pesey ta invita un y tur pa ta presente. Tambe ta invita Business Owners y tambe Business Professionals, studiante, hendenan cu tin pensa di habri un negoshi. E prome dos ora ta e presentacion cu e orador local y internacional. Pero despues tin hopi bon networking event unda bo ta haya e chens di combersa cu e top 300 business owners y professionals na Aruba, unda cu bo por comparti bo conocemento den negoshi, haci un one-on-one, face to face, papia cu e entrepeneurnan local.

Tambe e ta bin cu un openbar y N’Fuzion, pa asina bo tin educacion y entretenimento bao di un solo dak, riba un solo anochi, e miho business event na Aruba.