Un situacion tenso a surgi awe mainta na Welcome Plaza na waf, ora cu a confisca un tourbus cu no tabatin number/ belasting paga. Esaki a hala atencion di tanto local pero mas tanto turista den e area cu a presencia e gritamento y insulto cu tabata skeiro debi na e decision di polis na sitio.
Despues di un control a bin resulta cu e no tabatin tur cos na ordo y a pidi takelwagen pa asina transporta e vehiculo pa warda di Balashi. Esaki no a cay den bon tera di e tour operator y a cuminsa un sin fn di reclamo den direccion di esunan, cu e la asumi, lo a yama autoridad.
Den e mes un tono a sigui cu insulto dirigi na algun mienbro di prensa presente, pa asina vocifera su disgusto.
Esaki no a stroba polis di continua cu su trabou, un rato despues por a tuma nota di e tour bus riba takelwagen, caminda e mes a haya un tour direccion pariba. Ta consehabel pa controla tur documento y pago necesario prome cu subi caretera y e encargo/riesgo di transporta turista den un vehiculo cu no ta cumpli. Cualkier momento algo por sosode y e consecuencia lo ta, no solamente pa e propietario pero tambe pa e isla, un mal imagen.
