Minister di Labor, Integracion y Energia a tene un reunion cu e director di NV ELMAR como tambe NPR. E topico trata tabata riba e investigacion riba e fayo den NV ELMAR.
Glenbert Croes, Minister di Labor, Integracion y Energia, a indica di a tene reunion unda NPR a presenta nan resultado preliminar di e investigacion conduci pa nan expertonan. Aworaki nan ta bay procesa y termina e rapport p’asina entrega esaki na tur stakeholder como structura solucion.
E mandatario a sigui informa cu gobierno ta pres pa tin un solucion y asina ey nan por prepara un presentacion pa presenta na comunidad. Ademas di NV ELMAR mester sa di e situacion, Utilities mester sa di e solucion, gobierno tambe. P’esey nan debe pueblo cara, debe pueblo accion y solucion.
E peticion di Croes ta pa comunidad keda pendiente cu proximamente lo tin un presentacion. E expertonan lo splica henter e situacion, kico tin di haci. Tambe nan lo splica kico nan a haci, incluso kico tin di acelera pa por resolve e problema di suministro di coriente unabes pa termino corto, mediano y largo.
