Diaranson anochi despues di 9:00 pm central di polis tabata notifica di un atraco den e area turistico. A atraca dos turista den un parkeerplaats banda di Dunkin Donuts. A despacha patruya di polis di biaha na e sitio di e incidente.
Na yegada di e patruya, a bin topa cu un pareha Mexicano. Nan a conta e agentenan policial cu un rato prome dos homber a atraca nan uzando un icepick. Un di e hombernan tabata bisti cu flanel blanco y carson preto y tabata color scur. E otro homber nan no por a wak e bon.
E atracadonan a logra bay cu un cartera conteniendo dollar y pesos como tambe carchi di credito y debito. E atracadonan a huy na pia direccion zuid.
Departamento di Atraco Team a presenta na e sitio pa asina haci nan investigacion. Tambe departamento di slachtofferhulp a presenta pa brinda asistencia na e turistanan.
Cuerpo Policial ta haci un apelacion pa esun cu sa algo of a mira algo, pa yama e tiplijn di polis cu ta 11141. Bo ta keda anonimo.
