Aruba y Hulanda ta den firma un acuerdo administrativo cu compromiso riba fiinansa publico sostenibel na Aruba. E acuerdo aki ta un prome paso importante pa tuma bek e cooperacion den elaboracion di un rijkswet. Den e acuerdo, ambos pais ta bay di acuerto cu lo establece un rijkswet cu lo inclui norma presupuestario y supervision financiero. Cu e firmamento di acuerdo, Aruba lo paga interes mas abao p’e prestamonan relaciona cu COVID. Aruba por uza e interes gespaar pa inversion den su propio pais.
Reduccion di interes den e prestamonan
Hulanda y Aruba tabata den combersacion riba e creacion di acuerdo p’e supervision financiero, cu e obhetivo di logra finansa publico sostenibel y mas espacio pa inversion. Esaki ta crucial pa un gobierno cu ta funciona bon y un desaroyo economico sostenibel. E acuerdo aki ta sigui un acuerdo firma dia 10 di october 2023, p’e financiamento di e COVID-lening. Hulanda a duna otorga e prestamo aki pa enfrenta e consecuencianan di e pandemia di Coronavirus.
Segun e acuerdo, e prestamo tin un plaso di 20 aña cu un interes di 6,9%. Despues cu ambos pais firma e acuerdo administrativo, e interes lo reduci na 5,1%. E interes por reduci pasobra hulanda lo obtene cu mas siguridad e capacidad financiero di Aruba a traves di un rijkswet.
Norma presupuestario y maneho financiero
Aruba a acorda cu lo establece un rijkswet. E ley aki lo inclui, entre otro cos, e definicionnan di e normanan presupuestario, e normanan pa maneho financiero y structuracion y funcionamento di e supervision financiero. Tambe ta paa den e rijkswet cu Aruba por uza e inscripcion continuo bao cual Hulanda ta inscribi pa prestamo. Di e manera aki, ta habri un posibilidad di financiamento faborabel pa Aruba. College Aruba Financieel Toezicht (CAft) lo sigui conseha tanto Aruba como e Conseho di Minister di Reino den cuadro cu supervision financiero. Pa determina e normanan presupuestario nobo, Aruba y Hulanda lo presenta un peticion conhunto di investigacion na IMF.
Fuera di esey, Aruba lo inclui disposicion adicional den su propio legislacion nacional. Un ehempel di esaki ta e cuantificacion di e normanan presupuestario y e posibilidad di establece un Begrotngskamer como consehero di Parlamento y di gobierno. E modificacion of adopcion di e legislacion nacional solamente por realisa cu e consentimento di Conseho di Minister di Reino.
Reduccion adicional di interes despues cu e rijkswet drenta na vigor
Tambe a acorda cu si e rijkswet y e legislacion nacional envolvi no establece segun planea, e interes di e prestamo di COVID lo bolbe aumenta na 6,9%. Mester presenta e proposicion di e rijkswet na Tweede Kamer no mas laat cu dia prome di mei 2025 pa su consideracion. Tambe a acorda cu despues cu e rijkswet drenta na vigor, Hulanda lo reduci ainda mas e interes riba e refinanciacion di e prestamo di COVID. Hulanda tambe ta dispuesto, despues cu e rijkswet drenta na vigor, pa refinancia un parti di e prestamonan di afo venci di Aruba n’e interes cu Hulanda ta paga cu un margen adicional limita.
Aruba tambe lo sigui traha riba e implementacion di e reformanan den cuadro cu e landspakket. Lo retira e conceptvoorstel p’e RAft.
