E homber Roderick Windster a perde su libertad diahuebs atardi. El a yega riba e vuelo di TUI procedente di Hulanda. E dianan aki tin full control na aeropuerto. Tur hende cu yega entre otro for di Merca ta pasa e control. Cachonan di Douane ta den sala di yegada y ta pasa riba tur maleta. A coy basta hende cu poco droga procedente for di Merca.
Parce cu tur por a sigui y ningun a haya multa di Ministerio Publico. E homber local Roderick Windster no tabata tin mesun suerte. E cantidad di droga cu e tabata tin den su poder tabata alrededor di 5 kilo. Ta trata di marihuana cla pa bende. Den cinco diferente paki a haya e marihuana cla pa subi mercado.
Ta djis griner mester y e ta cla pa lora. Parce cu ta un persona cu ta frecuenta den e area di beachnan di Palm Beach. Aki su number a hunga yegando cu su mercancia fresco pa bende for di Hulanda. Bon trabou di Douane cu a score atrobe cu un hayasgo di droga.
Recherchenan di Team Narcotica a presenta na aeropuerto y tuma over e sospechoso for di Douane. A pidi transporte policial cu a hiba e sospechoso te warda di Shaba caminda e warda di Team Narcotica ta traha.
