Falta di eficacia y eficiencia di parti di Aruba pa ehecuta plannan traha, tin su motibo, segun Minister di Finanza Xiomara Maduro. Den un carta y reportahe cu Secretario di Estado Alexandra van Huffelen a manda pa Tweede Kamer e punto aki ta bini dilanti.
Van Huffelen a indica den e rapport kico ta e motibo pakico tin reformanan no a tuma luga. Segun e mandatario, esaki tin di haber cu e echo cu Aruba mester a haya asistencia tecnico. “E no tabata pasobra Aruba no tabata kier of Aruba no tin e boluntad pa hacie, pero e medio con pa hacie. Esta e personal capacita y e fondonan necesario. Tur esakinan tabata puntonan di discusion den transcurso di añanan y e rapport tambe ta menciona esey.”
Ta pa falta di e ayudo tecnico cu no a ricibi, e reformanan no a tuma luga di forma eficaz y eficiente.
A hinca den e Landspakket tur locual cu Aruba tabata falta, pero no tabata cosnan cu awo a keda identifica. Tabatin acuerdo cu lo traha riba e puntonan ey. “Hopi biaha nan ta presenta e informacion manera cu ta Aruba no a cumpli. Pero den e rapport por lesa cu tin caminda cu Hulanda no a cumpli cual a trece un retraso grandi den e mehoracion cu Aruba por tabatin.
Loading…
Reload document
Open in new tab Minister Maduro ta kere cu Aruba por ta hopi miho para si a haya e yudansa priminti na tempo.
E rapport ta contene un evaluacion di e palabracionnan cu tabatin den e periodo di 2016 pa 2020 pa duna un bista unda cu Aruba ta para. Puntonan di protocol treci den ultimo añanan, ta hinca den Landspakket. Aruba ta avansando cu e cambionan necesario. Y eyden lo por mira tur e avancenan cu tin.
