Oficialmente Hulanda su paspoort awor ta esun di mas poderoso na mundo. Segun reportahe di Henley Passport Index, Hulanda a comparti un tercer luga pa 2024 cu biahamento sin visa pa 192 pais. E index ta compara con hopi pais bo por bishita sin mester di organisa of paga pa un visa, cual ta nifica cu e Hulandes por ta mesun liber pa move den aire cu nan ta riba tera cu nan bicicleta.
E paspoort Hulandes poco poco tabata subi mas den su posicion, for di cinco luga na 2022 te na di cuater luga na 2023. Paspoort Hulandes awo ta den mesun categoria cu Austria, Denmark y Ireland. E paspoort number uno na momentonan aki ta di Francia, Alemania, Italia, Hapon, Singapore y Spaña.
