Mientras cu tin warwaru pasando den arena político, cu a cuminsa sinti for di un dia prome caba, merdia ex MInister y ex líder di POR tabata di “bishita” na Cocolishi.
Un rato despues cu partido POR a tene un conferencia di prensa cu Minister Andin Bikker, anunciando e exigencia di Partido pa Marisol Lopez Tromp entrega su retiro como Minister, Oduber tabata di bishita na Cocolishi.
Loke cu a hala atencion ta cu diabierna ta e dia cu tin Conseho di Minister, unda Marisol Lopez Tromp tabata presente pero no Andin Bikker. Despues di e conferencia di prensa di POR, Bikker a bay bek Cocolishi for di unda un rato prome Otmar Oduber a caba di bay. E ex lider di POR a bisa cu su bishita na Cocolishi no tin nada di haber cu e asunto di POR. Un rato prome den e conferencia Bikker a bisa cu Otmar Oduber a retira completo di politico y ta bay sector priva.
Pero tambe por a nota cu e lider di RED tambe a yega Cocolishi, pero Minister Rudy Lampe a bisa cu e bishita ey tampoco tin di haber cu e problemanan di POR. Lampe mes a bisa cu no tin problema cu Marisol Lopez Tromp y cu esaki ta un problema interno di e partido POR.
Ex Minister Oduber bayendo den su SUV blanco Minister Maduro: Prome Minister a duna comentario den nomber di Gobierno Prome Minister Wever Croes saliendo di Cocolishi na final di Conseho di Minister
Tur cos ta mustra cu partido MEP lo no sostene un mocion pa baha Minister Lopez Tromp via di un mocion di desconfiansa. Inclusive Prome Minister Evelyn Wever Croes a indica den un mensahe cu Aruba mester di un Gobierno stabiel na e momento aki cu ta pasando den momento dificil. Tambe el a bisa cu ta trata di un persona interno cu e ta pidi nan pa solucion’e internamente.