Diasabra marduga, den careda di 4:00 am, un Suzuki Swift colo shinishi scur, numera A-40322, a dal un persona riba caminda na Tanki Leendert. Despues di e suceso, e chauffeur a bandona e sitio, lagando e victima herida y benta riba caminda. Sinembargo, ora el a ripara su eror, e chauffeur a bin bek n’e luga di e accidente.
Ambulance a yega cu maximo urgencia p’asina atende cu e peaton, kende a ricibi unkap na su cabes, ricibiendo asina e atencion medico necesario. Mientrastanto, polis a cera e caminda, p’asina recopila e informacion riba e accidente.
A detene e chauffeur, kende tabata visiblemente bao di influencia di alcohol, a haci e test necesario pa midi su estado y despues cu el a sali positivo pa buracheria, a hib’e na ward’i polis, unda cu el a aparece dilanti fiscal auxiliar pa duna cuenta di su actonan. E vehiculo mes tabatin daño n’e luznan dilanti y e spiel na banda debi n’e impacto.
Mientrastanto a hiba e victima hospital pa ricibi tratamento medico avansa.
