Na De Bilt, pa 11’or y 20 di mainta, e temperatura a subi na 30 grado Celsius. Cu esaki e temporada nacional pa di tres biaha a alcansa e calor tropical y por papia asina di un ola di calor oficial.
Debi cu e temperatura ya for di 15 di Juli ta mas halto cu 25 grado, di biaha e ola di calor ta conta riba 12 dia. E ola di calor anterior tabata na 2015 y a dura di dia 30 di Juni pa dia 5 di Juli. E ola di calor actual, segun ultimo calculacionnan lo alcansa un duracion record di 24 dia. Esey ta nifica, mester wanta un tiki mas.
Calor tropical
Cu e pasamento di 30 grado, e ta oficialmente tropicalmente calor, pero pa merdia el a bira mas calor ainda. Na De Bilt, el a bira por lo menos 35 grado y den e parti zuidoost e lo a yega 38 grado of mas. Tambe e areanan di costa lo a bira entre 30 y 34 grado y ya for di merdia nos ta papiando aki di ola di calor. Pa loke ta mañan diabierna, e punto mas halto di calor por spera na Noord Limburg, cu por yega den careda di 38 grado. Na De Bilt e por bira 36.
Mas fresco den fin di siman
Den fin di siman, e temperatura lo baha. Diasabra e lo bira 23 grado na lama, 27 grado na De Bilt y banda di e oostgrens, e por bira 29-31 grado. Cu esaki e ta 6 pa 10 grado menos calor compara cu diabierna, pero ainda 2 pa 7 grado mas calor cu normal. Por bisa cu pa fin di Juli e por ta entre 21 te cu 25 grado.
Diadomingo e lo por bira maximo 29 grado den e parti oost, pero no tropico. Den e parti west e lo bira entre 23 y 25 grado. Despues e calor lo bin bek, caminda cu Limburg, un parti di Brabant, Gelderland, Overijssel y Drenthe, por yega un maximo di 29 pa 31 grado. Na De Bilt, e lo ta 26 pa 29 grado y mientras cu e temperatura keda 25 grado of mas halto, e ola di calor por dura mas.
Chens pa ta oficialmente e ola di calor mas largo
E duracion total di e ola di calor, por dura pa 24 dia, segun calculacionnan actual y asina nifica un record nobo. Den e proximo fin di siman, e temperatura na De Bilt por yega riba ambos dia riba 25 grado, sino e ola di calor ta yega su final.
Aparentemente esaki lo bay logra, pero sigur e no ta. Diadomingo, segun e weermodel di Weeronline, e lo alcansa 25.3 grado.
E ola di calor mas largo na De Bilt te cu awor aki tabta na 1975 y a keda 18 dia. Durante seis dia e tabata tin calor tropical cu 32.9 grado como e tempertura mas halto. E ola di calor di 2015 a dura seis dia, cual ta basta cortico y tabata tin 33.1 grado como maximo.
E ola di calor actual, ta e di 25 desde cu a cuminsa midi y por yega na un averahe di un ola di calor pa cada periodo di cinco aña.
