Segun sra Arends-Reyes e Turismo crucero riba su mes ta un Turismo cu un dinamica diferente cu e Turismo cu ta yega cu avion.
Di un banda tin e aspecto di volumen di pasahero y otro banda mester wak kiko ta e contribucion cu e Turismo crucero tin pa Aruba. Aña pasa, na 2017 Turismo crucero aki a contribui cu alrededor di 85.5 miyon di dollar pa Aruba y tawata un aña excepcional of un banner year cu a conta cu mas di 790 mil pasahero crucero pa Aruba. Locual cu a pronostica pa aña 2018 ta cu Aruba lo ricibi mas cu 800 mil pasahero y si tuma den consideracion e ultimo estudionan hasi door di ATA ta cu un turista crucero ta gasta of laga atras den nos economia un average di 112 dollar Mericano, ta un ingreso pa pais di Aruba substancial cu un parti ta cayendo afor pa motibo di cancelacionan.
Locual ta e cifranan cu gobierno ta considera como ‘bon’ y cu ta mustra slight increasement ta cifranan di luna YTD( year to date) pues no ta compara cu aña pasa di biaha of añanan recien pa wak di berdad e impacto cu e tin. Si prome cu 2009 Aruba tawata custumbra cu un averahe di 500 pa 600 mil pasahero claro cu tur locual ta surpasa e lunanan aki ta bon. Si bay compara di serca esakinan lo ripara cu comercio en general y esnan cu ta depende directamente di e Turismo crucero incluyendo centro di ciudad ta ricibiendo un ‘hit’ basta bon pa motibo cu cost of operation a subi pa motibo cu a aumenta impuesto significativo sin un reforma fiscal y riba dj’e e low season cu comercio ta benchmark ta di e ultimo añanan y awor e aña ki tin basta cancelacion net den e ‘Low season’ di crucero.
Na April so tawatin un caida di 12% cu ta solamente dos calls, pero dos barco cu ta representa 8000 pasahero cu ta mas casi un miyon dollar na locual cu sa gasta den nos economia a cay afor den un solo biaha. Na Mei 2018 Aruba a perde 22.3% di e cantidad di pasaheronan cu a surpasa mas di 11 mil pasahero menos, cu ta mas cu 30% menos di calls cu mesun luna aña pasa. Ki nan Aruba a bolbe perde mas di 1.2 miyon di dollar di entrada. Y pa Juni 2018 atrobe a bai atras cu 30% menos calls cu Juni 2017. Di un meta pa surpasa 800 mil pasahero ja mester a ahusta esaki pa motibo di tanto cancelacionan cu tin ultimo lunanan. Pesey ta importante pa wak di serca e desaroyonan di Turismo crucero cu tin un link directo cu comercio especialmente tambe di nos centro di ciudad. Aruba a bira un isla mas caro pa tur hende, tanto local, comerciante, inversionista y turista pues mester ta alerta ariba ki efecto cada shift tin den e mundo di Turismo. Den e caso particular di Turismo crucero e ta un ‘booming industry’ cu mas di 25,8 miyon di pasahero global pa 2017 cu ta un aumento significativo compara cu e aña anterior y mester wak con Aruba como destinacion lo ta desea di hasi bon uzo di esaki. E region di Caribe ta keda sumamente popular dus Aruba mester wak pa hasi sondeo di serca tocante con por minimalisa of alivia e cancelacionan pa motibo cu Aruba no por keda afford pa perde asina hopi turista. Di un pronostico di riba 800 mil pasahero pa yega por ehempel na un base di 750 mil pasahero e por ta un impacto di alrededor di 10 miyon florin menos di ingreso pa Aruba. E ta keda particularmente fastioso na momento cu un pais ta bira mas caro pa tur cu ta biba y traha na Aruba y mester ahusta na low-seasons cu tin basta cancelacionan cu ta sinonimo na menos entrada sra Arends-Reyes ta termina bisando.
