Parlamentario Arthur Dowers, a menciona cu nunca el a haci mal uzo di su posicion como minister, pa bay persigui ningun hende. A papia semper di maneho. Esaki ta gruponan cu nan maneho ta pa cera hende, pasobra nan no por traha, zogenaamd. Ta gañamento. No mester di un camara pa traha y bo no mester un computer pa goberna. Dowers a goberna sin computer y pa 8 aña largo. No bin bisa cu mester di un computer pa goberna.
Dowers a drenta den bestuurskantoor kibra. A pone 100 mil florin di su mes pa e pueblo aki pa por a traha. A haya hendenan dedica, cu pasion, cu kier a traha y contribui na e bienestar di e pais aki y loke tin awe, ta un grupo di hende cu ta persiguiendo hende, cu ta menasando hende. Esey ta loke tin cu realisa.
Tin caso, segun Dowers, caminda cu tin hende a wordo sentencia y cu a resulta cu nan a keda cera pa hopi tempo sin cu nan a haci nada. E casonan tin nan den file. No ta asina cu ta liber di esey. No ta solamente na Merca e cosnan aki ta pasa. E por pasa na Aruba tambe. Loke el a agrega ta, cu ceramento di un hende, ta un di e cosnan, un remedi cu ta wordo uza na momento cu ta stipula den ley cu ta forma un peliger pa un comunidad, el a haci un impacto grandi riba sociedad, of por huy of por stroba e investigacion. Un hende cu ainda no por mira, basa riba e process verbaal cu tin, con por yega cu ta e ta e persona cu por a bay cu aparato. Dowers a mira un aparato cu nan ta papia di dje, un computer di 16 mil dollar, cual ta casi 40 mil florin. Un cantidad di cos a disparce nan ta bisa, y a bay cu e meneer aki cera. No ta compronde dicon a coy e persona aki cera, si e no ta responsabel pa e materialnan aki.
E process aki ta un aangifte cu e material a bay, segun Dowers. E aangifte ta bisa cu un lista di cos a bay. Prome cu por bisa cu un lista di cos a bay, mester tin prueba cu si un hende a kibra drenta, por a mira cu cos a wordo horta. Si un hende ta bisa cu cierto cantidad di cos a disparce, con por tin prueba cu e cosnan a wordo horta. Por ta e cosnan ta na un departamento, por ta un minister a autorisa pa realoca e cosnan. E no ta castigabel. E minister tin autoridad, segun Arthur Dowers. Te dia di awe ta yama departamentonan puntra, pasobra nan no sa nada di gobernacion. Nan ta puntra tur dia con pa goberna.
Parlamentario Dowers ta sigui splica cu den e añanan cu el a traha, tin cos cu nan tabata tin y despues no por a haya nan mas.
E aparatonan tey, segun Dowers. Si e bay goberna, sin ningun material y a goberna e pais aki for di un caos, caminda tur cos ta cay den otro, warda di polis ta cay den otro, no tabata tin auto pa paga candela, etc. Polis rabia, eynan Dowers a drenta y a goberna sin ningun computer. Awor aki ta haya un camber pata pata di computer y ta graba. Ta bon pa duna prensa pa wak tambe. Awo ta bin bisa cu a haya caha bashi. Ken a saca e cosnan for di den caha. Ken ta laga caha bashi anto.
Si bisa cu Gobierno tabata tin 150 trahado, Dowers ta bin cu 4 so, anto cuanto computer tin mester. Si ta 7 minister biaha 4, wak cuanto computer tin eyden. Loke nan ta traha riba dje, ta persigui, intimida, prohibi prensa pa drenta, saca shoco for di parlamento, esey ta e prioridad di e gobernacion aki, siendo cu a bisa cu e pais ta den caos. Ta mira cu nan ta biaha, balia seu na Boneiro. Shop y e pais ta den caos.
