Di aña pasa, Angelo ‘Gelo’ a haya invitacion for di Ramon Koffie y asina e team a haya invitacion pa bay core den exterior. Na luna di mei lo core ‘Bracketazo para Papá VII’ y tur brommer ta bon prepara pa presenta na Orlando. Shaolin Soliana, vocero di Fun 4 Every 1 Racing Team ta conta nos cu e coredonan ta Angelo Ras di 4-5-7, Milienka Franken di ‘Supergirl’ e unico mucha muhe representando Aruba di 1-4-7, Giomar Heronimo di 9-10, Garvey Werleman ‘the champ’ 1-5-6, Kennedy Geo ‘Baba’ cu 2-0-5, Zyon Rafaela cu 2-0-0-1, Dabian cu 4-9-7, Rudolph Arindel ‘Dolphi’ cu 0-2-1, Marvin Alberto 4-4-1.
Ta gradici cu a haya e invitacion for di Willy, kier gradici Ozzy, Vernima di Juve Cargo y tambe Reimi di Papaya Ranch y tambe Elison.
Bracketazo para Papá ta un evento internacional cu obhetivo pa reuni varios coredo di brommer, autonan exotico y un careda pa hende muhe den un ambiente safe y sigur pa famianan na Orlando Speed World.
