No ta desde awo a bin dilanti cu e topico di RWZI. Dentro di poco e ley di RWZI lo yega Parlamento di Aruba pa asina por trata esaki.
Minister di Naturalesa, Ursell Arends, a indica cu asina Parlamento di Aruba trata e ley aki, e ora por tuma y haci inversion den e RWZI nobo. El a sigui splica cu e RWZI nobo ta bay tin un biodigester y asina ey no mester kima residuo di aw’i riool (sludge) den incinerator of ‘open air burner.’
Ta procesa e sludge den un biodigester y lo convertie den coriente p’e por yuda opera RWZI. Esey ta e vision cu tin. Esey ta e proyecto cu tin riba mesa. Unabes cu e ley ta trata den Parlamento di Aruba, lo cuminsa haci inversion riba esey. Segun e mandatario, esey ta nan vision y plan, di cual unabes e ley ta aproba e lo ta concretisa.
E RWZI di Parkietenbos keto bay ta cera y esey ta pone cu e chauffeurnan di e trucknan di chica pos tin di bay te Zeewijk. Pero, hende a cuminsa basha awa sushi den dam. E mandatario a indica cu ta atendiendo cu ne. E chauffeurnan di truck a sinta cu DOW, unda a splica nan cu esaki lo dura ocho siman pa tin RWZI Parkietnbos den operacion.
Pa mas lesa TREMPAN.COM.
