Diabierna anochi despues di 9:00pm a surgi un pelea di hende muhe patras di Bon Dia Supermarket na Cumana. Polis a yega mesora na e sitio y a compronde cu e pelea ta pa motibo di jaloezie (zelloss) pa un hende homber. Discusion a bay for di man, cu ambos dama a dicidi di tira sla riba otro.
Na yegada di Polis nan no kier a rasona, pa cual a opta pa detene ambos y hiba nan Warda di Polis pa por tuma na keho. Ambos a keda di keha esun otro pa ta sali of busca nan pareha.
Polis a splica ambos dama cu nan a haci nan mes masha mahos asina publicamente pa un homber cu ta liber y nan mes ta deteni na Warda di Polis.
