Diasabra pa mas o menos 4:45am, Polisnan a para un auto cu tabata core sospechoso, pa un control rutinario. Polis a haya holo sterki di alcohol, pa cual a test e chauffeur y a resulta cu e tabata bastante burachi. A detene mesora y hib’e Warda di Polis pa e pasa su wayaba. Di e forma aki e no ta forma peliger ni pa su mes y ni pa otronan riba caminda.
Ultimo simannan Polis ta teniendo mas control relaciona cu alcohol den trafico. Asina mes ta nota cu hopi automobilista ta opta pa core e risico y toch ta purba stuur auto burachi. Mester ta consciente cu e chens pa gara Bo ta hopi halto pasobra tin varios control tumando luga na luganan strategico rond di nos isla.