Mon Plaisir College a organisa un anochi di carrièremarkt p’e studiantenan. A bin cu esaki pa asina duna nan e oportunidad pa haya mas informacion di diferente profesion.
Kristi Lo-Fo-Sang, docente, decano, a splica cu nan a organisa e carrièremarkt. E evento aki nan a organis’e pa prome bes aña pasa. Como cu e tabatin un resultado exitoso, a dicidi di bolbe organis’e e aña aki. E studiantenan a haya oportunidad di sucha diferente orador riba diferente profesion. E oradornan a papia cu e studiantenan riba kico nan trabou ta encera, kico nan a studia y con tur esey ta ‘link’ na otro pa ‘breid uit’ e conocemento di e studiantenan, ya cu nan tin di bay studia afo, tin di scoge un profiel.
Na Mon Plaisir nan a ripara cu e studiantenan no ta bon informa kico tur di trabou tin eyfo. Pa e motibo ey nan a dicidi di haci e carrièremarkt pa stimula e studiantenan y pa nan mira cu no tin solamente e profesion di abogado, dokter di cas, entre otro. Tin hopi mas cos manera ‘food & beverage manager’ of assistent di apotheker.
Tabatin algun orador cu tabata popular entre e studiantenan. Eynan por a mira cu e interaccion tabata hopi mas grandi, nan tabata hopi interesa y tabata haci pregunta. Tin di nan tabata nobo, pero asina mes nan tabata interesa. Tabatin cos cu e nan no sa y e studiantenan a mustra di ta verlegen, unda no a haci pregunta. Despues cu e oradornan tabata termina cu nan presentacion, asina mes algun studiante a keda atras pa haci pregunta.
Pa mas lesa TREMPAN.COM.
