Despues cu prijs di gasolin pa liter a baha na december y januari, e sla a yega den luna di februari. E prijs di Gasolin unleaded-premium a subi cu 12,4 cent pa bira awo 245,4 cen p/ltr. E autonan economico na Aruba tin un tanki di mas o menos 30 liter cu ta nifica mas o menos 75 florin, cu e tarifa nobo, pa full tank. Luna pasa ainda e tabata rond di 71 florin.
Mester tene cuenta cu esey hopi biaha ta loke ta gasta den un siman y pa luna e ta bira rond di 300 florin. Kisas un tiki menos pa algun y un tiki mas pa otronan.
Gasolin ta un parti importante den e gastonan familiar y cualkier aumento tin su peso riba e presupuesto familiar. Cu diferente desaroyo internacional, manera por ehempel sancionnan riba Venezuela, lo afecta prijs di crudo y tambe prijs di combustibel na final.
“Nos sa cu e prijs a baha basta den e ultimo lunanan y awo despues di basta tempo ta mira un subida atrobe. Pero e biaha’ki e tin di haber cu un di e “fee”nan cu banconan ta cobra e stationnan di gasolin,” Wever a splica.
Segun palabranan di Wever, tin un maximo cu e banco por cobra na e cliente (pompstation). “Ora cu bini cierto gastonan acerca, nan (e gasolin stationnan) no por cobra esaki na e clientenan. Nan no tin e libertad pa pone nan mesun prijs.”
Pa un relato amplio abona riba TREMPAN.