Plan di Mayor ta celebra su prome Plan di Mucha. Dia 21 di november 2023, parlamento di Aruba a aproba unanimamente e ley di Plan di Mayor. Entrante 1 di maart 2024, e ley Plan di Mayor ta bai den vigor.
Bureau Nos di Plan di Mayor kier comparti e noticia aki, pa asina e informacion por yega na tur mayornan of voogdij, y tambe pa yuda trece mas conscientisacion den e comunidad tocante e importancia di pone muchanan central, specialmente durante un separacion/divorcio.
PLAN DI MAYOR
Dia 21 di november 2023 a aproba e Ley di Plan di Mayor unanimamente den parlamento di Aruba.
Ley Plan di Mayor ta encera cu e mayornan cu tin yiunan menor di edad cu ta bay separa of divorcia pa ley ta obliga pa traha un documento legal “Plan di Mayor” caminda nan ta stipula con nan lo comparti e responsabilidadnan pa cu nan yiunan.
Plan di Mayor ta traha basa riba e.o. tratado internacional di derechonan di mucha articulo 12; unda cu ta indica cu tur mucha tin derecho di wordo scucha, riba nan preocupacion-, deseo- y necesidadnan.
Prome di maart 2024 e Ley Plan di Mayor ta drenta na vigor. Corte ta manda e mayornan na Plan di Mayor pero tambe por ‘walk in’ pa por haci un ‘intake gesprek’. E profesionalnan lo indica den ki fase di conflicto e mayornan ta encontra nan mes y lo referi e mayornan na e intervencion cu ta pas pa nan situacion.
Fase 1: E mayornan ta comunica bon cu otro y nan mes por traha e Plan di Mayor y entrega esaki na corte.
Fase 2: E mayornan tin un tiki problema pa comunica cu otro y lo recomenda un ‘Familie mediation’ pa nan. Esaki ta encera cinco ‘oudergesprekken’ y un ‘kindgesprek’ y asina por yega na un Plan di Mayor y un Plan di Mucha. E trayecto tin un duracion di maximo seis siman.
Fase 3: E mayornan no ta compronde otro y e encontra nan mes den un separacion compleho, pa nan ta recomenda e intervencion “ouderschapblijft” y den un trayecto di maximo nuebe luna por yega na un Plan di Mayor y Plan di Mucha.
Plan di Mayor ta marca historia na trece ayudo pa e famianan durante y despues di un separacion, cu e intervencionnan enfoca riba e mayor- y intervencionnan enfoca riba e mucha. Un mayor bo ta keda pa semper, hasta te despues di un separacion.
Plan di Mayor ta situa na Sabana Blanco 68-C na Centro Hoben y Famia.
