E presidente di Venezuela, Nicolas Maduro, a bisa na su simpatisantenan den un evento na Caracas diasabra, cu e ta kibra tur relacion diplomatico cu Colombia y ta pidi e embahador y consulnan Venezolano, pa bandona e pais.
Maduro tambe a menasa Merca: “Si e imperio tribi di ataca, nan lo wordo ricibi cu forsa di e Forsanan Arma Venezolano.”
Den e mitin, e partidarionan a sostene borchinan cu ta bisa: “#TrumpHandsOffVenezuela”.
“Nos no por sigui soporta cu e teritorio di Colombia presta pa un agresion contra Venezuela. P’esey m’a dicidi pa kibra tur relacion politico y diplomatico cu e gobierno fascista di Colombia y tur e embahador y consulnan cu nan mester bandona e pais dentro di 24 ora. Sali for di aki,” el a bisa.
Maduro ta reta Guaido pa e convoca eleccionnan
“Nos ta wardando e señor fantochi, e payaso di mil cara pa e convoca e eleccionnan. Mi ta ret’e formalmente pa e convoca eleccion.”
E respuesta di Colombia
E Canciyer di Colombia, Carlos Holmes Trujillo, a bisa cu “Colombia no ta reconoce e legitimidad di e usurpador Maduro. Colombia ta reconoce e Presidente Juan Guaido, kende ta gradici e invitacion pa su funcionarionan diplomatico y consultar Colombiano, keda riba teritorio Venezolano.”
“Colombia ta responsabilis e usurpador Maduro di cualkier agresion of desconocimento di e derechonan cue funcionarionan Colombiano tin na Venezuela, conforme e normanan internacional, den e proximo ora of dianan.”
