E presidente Venezolano, Nicolas Maduro, a anuncia diadomingo cu e cientificonan di su pais a “logra un remedi cu ta destrui 100% coronavirus” cu ta causa COVID-19, denomina SARS-COV-2, y cu lo pon’e na disposicion di e Organisacion Mundial di Salud (WHO) pa su estudio.
“Mi kier a bisa cu Venezuela a logra un remedi cu ta anula coronavirus 100%,” Maduro a bisa den un acto di Gobierno caminda cu el a bisa cu e Instituto Venezolano di Investigacionnan Cientifico (IVIC) tin seis luna ta studiando esaki.
“Den consecuencia a certifica e estudio aki di parti di expertonan y cientifico y lo bay procede na e proximo dianan na construi un ruta pa, atrabes di WHO, ratifica e resultadonan obteni pa IVIC,” el a sostene.
Ta trata, segun e mandatario a subraya, di un molecula denomina TR-10 cu “a logra aisla totalmente y posteriormente, a confront’e cu e virus di COVID-19”, den un estudio cu a dura 6 luna y a bisa “como resultado a logra destruccion 100% di e virus.”
E molecula aki no tin “ningun tipo di toxicidad cu ta afecta e moleculanan sano” of cu ta causa efectonan secundario.
Maduro a mustra confia cu e estudionan lo ta ratifica pa WHO y posteriormente lo procede “na prepara e produccion masivo” danki na “aliansanan internacional” cual e no a detaya.
E minister di Ciencia y Tecnologia, Gabriela Jimenez, a aclarea cu “a monitorea” e estudio atrabes di celnan infecta cu e virus (SARS-COV-2) aisla di pashentnan Venezolano.”
Di un otro banda, e vicepresidente ehecutivo, Delcy Rodriguez, a informa cu autoridadnan a localisa 423 caso nobo di COVID-19, cu cual e cifra total ta subi na 89.565.
Di nan, 398 ta comunitario” y 25 “ta importa” pa migrantenan cu a bin bek.
Sin embargo, no a separa e casonan pa estado ni tampoco a informa di cuanto persona a fayece den e ultimo 24 oranan pa e enfermedad cu ta causa e nivel coronavirus, denomina SARS-COV-2.
Autor: USR_PMU
