E restonan di e dokter Venezolano, Jose Gregorio Hernandez, kende su beatificacion ta autorisa pa papa Francisco y tin miles di devoto ferviente den America Latina, a exhum’e dialuna den un ceremonia solemne cu a tuma luga na Caracas como parti di e rekisitonan exigi pa Vaticano.
E ceremonia tabata encabesa pa cardenal Venezolano Baltazar Porras, kende a duna e orden di saca e restonan di e “dokter di e pobernan,” poni na 1975 den e iglesia di Nuestra Señora de La Candelaria di Caracas.
“Mi shonnan, procede na e exhumacion di e restonan mortal di e venerabel siervo di Dios, dokter Jose Gregorio Hernandez Cisneros,” cardenal Porras a bisa como inicio di e protocol.
Un proceso bao di supervision di e cardenal
Di e modo aki, e operacionnan, supervisa den tur momento pa e cardenal, a dirigi nan mes pa e graf di e futuro beato, cu na 1975 a traslada e restonan na e iglesia aki tras di un prome exhumacion di e Santana General Sur na Caracas, unda cu a der’e inicialmente 101 aña pasa.
Minuutnan prome, a huramenta Antonio Castillo, kende na 1975 tabata hefe civil di Nuestra Señora de La Candelaria y tabata presente na 1975 ora cu a deposita e restonan di Jose Gregorio Hernandez den e luga caminda cu e tabata reposa.
Castillo a hura cu e restonan cu ta den e graf situa na comienso di e tempel ta esun di e futuro beato.
E trahadonan contrata pa tal efecto a dirigi na e graf, simpel y bao di un potret di Jose Gregorio Hernandez cu su bata di dokter.
Nan a saca e caha di morto chikito cu ta contene e restonan di e dokter, cu un relieve inspira den e poema “Pintame angelitos negros,” bao di supervision di e cardenal y mientras cu musica popular Venezolano tabata zona, versiculonan na honor di Jose Gregorio Hernandez y un aguinaldo.
Despues di saca su caha, a hib’e den un procesion te na e altar mayor di e iglesia mientras cu e asistentenan a entona un himno liturgico.
Ta spera mas di un miyon di persona pa e beatificacion
Ta spera cu pa e momento di beatificacion, ta mustra un speransa cu e pandemia di COVID-19 caba, como tambe e escases di gasolin cu Venezuela ta bisa, pa “mas di un miyon di persona,” di e manera aki na e acto.
E futuro beato, kende a fayece despues cu un auto a dal’e na Caracas 101 aña pasa, a gana su aureola di santidad tanto na Venezuela como den e paisnan rond pa su labor na fabor di esnan mas desfaboreci y su reivindicacionnan pa reclama mas atencion di e Gobiernonan pa e regionnan di interior di Venezuela.
P’esey, ya e ta considera como un santo entre esnan mas humilde di Venezuela y bon parti di America Andina, unda cu ta atribui na dje numeroso milager y unda cu e fielnan ta pidi ya pa varios aña su intervencion pa nan por cura di tur tipo di problema medico.
