Recientemente miembronan di e directiva di St. Fundacion Lotto pa Deporte hunto cu Sr. Ing. Junior Tromp, director di St. Fundacion Facilidadnan Deportivo y Minister di Deporte, Dr. Alex Schwengle a hasi un bishita di trabou na Joe Laveist Ballpark unda a pone atencion specialmente na e cancha di basketball cu pronto lo bay haya e renobacion nesecario. Mirando e trabounan ya hasi riba e stadion di Joe Laveist Ballpark cu ta un hoya di stadion mester caba cu tur otro trabou cu ta pertence na dje, un di nan ta e cancha di basketball. A haya un poco contra tempo unda mester a drecha e yerba pacu e veld di baseball y algun otro trabounan pero esaki awor ta canando den e direccion corecto. Un apelacion ta bay na nos federacionnan, clubnan, scolnan pa hasi mas uso di e facilidadnan aki paso ta pesey nan ta wordo traha. E stadion di Joe Laveist mester bira uno multi facetico unda diferente deporte por wordo praktica. Esaki mas cu claro e ta bon pa e hobennan y e bario di San Nicolas den su totalidad, ta duna mas oportunidad pa traha. Mester bisa cu lo bay traha tambe un “batting cage” pa asina e hobennan cu ta praktica e deporte di baseball por entrena
nan bateo aki den. Ta boga un bes mas na tur e stakeholdersnan pa usa e complehonan aki
paso pa esey nan tey. Mirando Lotto y Sport Subsidie Commissie ta duna cen pa huur nan ta sali for di punto di bista cu e complehonan aki ta wordo usa mas mihor pa nan subsidarionan.
