Pa esnan cu ta pasa den e area di e stadion di Nadi Croes/ Crismo Angela por nota cu trabounan di renobacion andando riba e dak di e stadion di baseball. Ya pa varios siman ta trahando riba primeramente e dak di e compleho cual mester a wordo cambia.
Pa cu esaki a combersa cu president di St. Fundacion Lotto pa Deporte, Sr. Di Stefano Wernet cu a conta di e trabounan riba e stadion di baseball. “Cu orguyo nos a forma un joint venture encabesa pa nos Minister di Deporte, Dr Alex Schwengle, Lotto y St. Fundacion Facilidadnan Deportivo unda nos tabata tin plannan for di aña pasa. Tin ora bo tin e plannan, mester e ora e hendenan pa ehecute mas rapido y awor tin e hendenan aki, e fondonan ta na disponibilidad. Lotto ta reconoce e deportistanan di Sta Cruz, nan ta orguyoso di nan. A dicidi di inverti den e daknan di e compleho, esakinan tabata un problema pero a warda e momento oportuno pa inverti den esakinan den forma correcto & duradero.
Lotto ta contento cu e trabounan ta hopi leu y ta gradici e trahadonan di St. FFD cu ta involvi den e proyecto aki y cu pronto lo por mira e compleho di Nadi/Crismo den un facelift nobo”, Sr Wernet a bisa. Terminando Sr. Wernet ta hasi un apelacion na nos hendenan y sigur amantenan di baseball pa asisti na e weganan di baseball y apoya nos peloteronan paso esey ta hasi falta. Bishita e weganan tin di haber cu cambio di mentalidad ban hasi esaki na bienestar di nos mesun deportistanan. Cada un merece nos apoyo. Sigi duna bo aporte segun bo forsa financiesro dor cumpra Lotto, E loteria National di Aruba su si ta yuda deporte realmente for di fondonan di e mercado di Games of Chance.
