Diamars mainta, den careda 8:30 am, doño di un compania situa den Dakota Shopping Paradise a presenta y a ripara antisocial a kibra den su luga. El a ripara cu nan a uza un bloki pa kibra e parti abou di e porta.
E ladronnan a horta loke tabatin den e caha. Di biaha el a tuma contacto cu polis riba e incidente. Polis a presenta y a bay check e camara di siguridad. Aki a ripara cu pa 5:40 am e ladronnan a drenta e luga. Mientras cu nan tabata busca den e luga cos pa horta, nan a desconecta e camara pa asina no por reconoce nan.
BFTO tambe a presenta na e sitio pa asina cuminsa haci nan investigacion. Nan a cuminsa busca pa fingerprint di esunnan cu a comete e ladronicia aki.
