Durante presentacion di e grupo musical Buleria na Hulanda, tawata tin como cantante invita Ron Martis. Mas cu esey por bisa cu Ron a hiba e publico den tempo cu tur e exitonan di semper di Buleria.
Martis a conta cu e ta sinti’e den famia, mescos cu e tema di e fiesta tawata un “reunion”, asina tawata e experiencia cu el a sinti durante e fiesta recordando e temponan cu el a forma parti di e elenco hunto cu e cantantenan di e banda.
E fanaticonan a gosa y pasa bon durante e anochi aki cu e exitonan di semper di Buleria, cu a trece hopi nostalgia den publico. Martis a corda su temporada cu e banda cu a crea hopi momento di alegria, realisando hopi biahe pa presentacion musical den exterior. Pa e presentacion aki, e no a yega subi escenario sino mester a prepara su mes bon y descansa pa e presentacionnan.
Como un primicia Ron Martis a conta cu aunke e ta enfocando riba su carera den e ramo huridico, e lo tin algun sorpresa musical den futuro. Musica semper lo keda su hobby.
