Koningin Wilhelminafonds (KWF) dia 6 di augustus proximo lo bay tin un bingo virtual cu lo tuma luga riba diferente plataforma.
Esaki ta pa yuda pa un bon causa. KWF ta bezig ta organisando e evento aki. E bingo aki lo bay tin varios premio cash. Tur hende cu ta interesa pa yuda cu e bingo dia 6 di augustus, por pasa aworaki mes banda di e edificio di Bright Baker, te cu 6:00 pm. Tambe por yega na e oficina di KWF den Spinozastraat pa por cumpra bo carch’i bingo na balor di 10 florin.
E premionan aki tin un total di 5500 na placa cash. Tin diferente wega cu ta cuminsa na 250 te cu 2000. Esey lo bay yuda bo vakantie hopi bon.
Asina ta busca bo ticket di bingo cerca e boluntarionan di KWF banda pazuid di edificio di Bright Bakery.
KWF semper tey pa yuda esunnan cu tin e malesa di cancer. Bin yuda KWF yuda pa e bon causa aki. Tambe ta haci un peticion na e comerciantenan pa tambe yuda cu e causa aki. KWF ta pasando den un situacion basta fastioso, ta pesey tambe por yama 5937227, sea si kier yuda bende pero tambe por pone e ticketnan den tienda. Yuda contribui door di sea cumpra un ticket of bende ticket.
E evento lo tuma luga pa 7:00 pm, unda cu lo pas’e via varios plataforma den forma virtual, como tambe varios radio.
