Diasabra marduga, pa mas of menos 4:10 am, un habitante di e bario di Washington ta yama polis pa un homber (cu tabata parce un turista) tabata canando den un forma sospechoso den e area.
Mesora a manda un patruya pa bay den e area y a bin topa cu e homber den cercania di e scol na Washington.
Papiando cu e homber, polis a purba di haya sa ta dicon e tabata canando den e area, pero esaki no tabata posibel, mirando cu e tabata bao di un ke otro substancia. Den otro palabra, halto halto.
A detene e homber y transportwagen a transporte pa warda unda cu el a haya un cuarto gratis pa e por baha su haltura.
