Corte di Prome Instancia a trata e caso di asesinato di Eddy Rincon Bravo na tanki di Savaneta. Fiscal a pidi diesnuebe aña pa Shannon Williams. Awe mainta un sentencia a cay. E acusado a haya menos aña di loke fiscal a pidi.
Jose Rincon, tata di e victima, tabata cuestiona e echo con a trata e caso. Despues di a tende e sentencia, Rincon a expresa cu e tabata algo hopi duro. Nada no ta bay trece mi yiu bek, pero a topa cu e hendenan. Y e sa cu nan a mata su yiu pa hort’e.
E ta haya cu nan no mester a baha e añanan di castigo, pasobra tur declaracion cu hues a trece dilanti ta confirma cu Shannon Williams ta culpabel y di a horta su yiu, y mata. Hues a duna un sentencia di diesshete aña. Rincon ta haya cu hues mester a lag’e na diesnuebe aña cu fiscal a pidi, pasobra e merece esey y hopi mas. “Ningun hende tin derecho di kita bida di otro hende.”
Pa loke ta e acusado Ka Min Li, Rincon a bisa cu su rol tabata un poco mas grandi. E acusado Li tambe a haya un castigo mas abou. El a expresa cu esey a dal e hopi duro. Tur hende sa cu e Chines Ka Min Li ta hopi envolvi den e caso y ta complice. El a conta cu na comienso di e caso, Shannon Williams no a haci ningun declaracion, mientras cu Li a declara na su fabor. Loke el a declara tabata tira tur cos riba Shannon Williams so. Li a laba su man. Williams a declara despues di shete luna, no tin ningun prueba legal cu e ta culpabel di ta complice.
Pa mas lesa TREMPAN.COM.
