Pa loke t’e conexion y interconectividad entre e islanan Aruba, Boneiro y Corsou, Jeaniro Balentien, presidente di Camara di Comercio di Boneiro, a comenta cu awo cu Jet Air a cuminsa bula, a cuminsa duna tiki rosea. Aunke cu ultimo tempo, mirando cu e desaroyo a bira asina rapido, tambe a bira un problema.
Den e conectividad entre e islanan ABC tambe ta den desbalansa. Esey ta algo cu tin cu bin bek pa trece mas capacidad, ya cu tin hopi mas trafico entre e islanan ABC aworaki. Aki tambe mester tin mas capacidad.
Balentien a comenta di ta contento cu Jet Air a cuminsa bula pa haya tiki rosea. E otro companianan existente Divi y EZ Air tambe ta mira e posibilidadnan pa amplia nan capacidad. Na final di cuenta, segun Balentien, como Camara di Comercio, ta importante pa tin un bon relacion entre e islanan.
Tin e economia di parti internacional cu ta bin inverti den e isla, pero e parti regional tambe, como e islanan ABC y e Islanan Ariba, ta importante pa por desaroya e parti ey.
Pa mas detaye lesa TREMPAN.
